სამეთვალყურეო საბჭო ბანკის

აქციონერთა საერთო კრების მიერ 4 წლის ვადით, სულ მცირე 3 და არა უმეტეს 21 წევრისგან შემდგარი საბჭო (წევრთა საერთო რაოდენობა კენტი უნდა იყოს), რომელიც უზრუნველყოფს ბანკის საქმიანობაზე ზედამხედველობას. „მეწარმეთა შესახებ“ საქართველოს კანონით გათვალისწინებული მოთხოვნის გარდა, მხოლოდ საბჭოს თანხმობით შეიძლება განხორციელდეს: ახალი სახის საბანკო საქმიანობის დაწყება ან არსებული სახის შეწყვეტა; საკრედიტო, საინვესტიციო, სავალუტო აქტივებისა და ვალდებულებების მართვის, აქტივების შეფასების, მათი კლასიფიკაციისა და შესაძლო დანაკარგების ადეკვატური რეზერვის შექმნის შიდა პოლიტიკისა და პროცედურის განსაზღვრა და დამტკიცება; ბანკის მიერ საკრედიტო რესურსებზე და დეპოზიტებზე გამოსაყენებელი მინიმალური საპროცენტო განაკვეთების ოდენობის განსაზღვრადა დამტკიცება; კანონით გათვალისწინებულ შემთხვევებში კომერციული ბანკის მიერ გამოშვებული აქციების გამოსყიდვა (საქართველოს კანონი „კომერციული ბანკების საქმიანობის შესახებ“, მუხლი 14.).