საქმიანობა ეკონომიკური

ნებისმიერი საქმიანობა, რომელიც წარიმართება მოგების, შემოსავლის ან კომპენსაციის მისაღებად, მიუხედავად ასეთი საქმიანობის შედეგებისა; ეკონომიკური საქმიანობა შეიძლება იყოს სამეწარმეო ან არასამეწარმეო. ეკონომიკურ საქმიანობას არ განეკუთვნება:
ა) სახელმწიფო ორგანოების საქმიანობა, რომელიც უშუალოდ არის დაკავშირებული მათთვის კანონმდებლობით მინიჭებული ფუნქციის შესრულებასთან, გარდა იმ შემთხვევებისა, როცა საქმე ეხება ხელშეკრულების საფუძველზე ფასიანი მომსახურების გაწევასა და სხვა სამეწარმეო საქმიანობას;
ბ) საქველმოქმედო საქმიანობა;
გ) რელიგიური საქმიანობა (საქართველოს „საგადასახადო კოდექსი“, მუხლი 7.1.).