ადამიანისთვის ნების გარეშე თავისუფლების აღკვეთა. საქართველოს სისხლის სამართლის კოდექსი ითვალისწინებს ადამიანის გატაცების სამ შემადგენლობას: თავისუფლების უკანონო აღკვეთას – 143–ე მუხლი; მძევლად ხელში ჩაგდებას – 144–ე მუხლი; მძევლად ხელში ჩაგდებას ტერორისტული მიზნით – 329–ე მუხლი (იხ. ტერორიზმი) მძევლების აყვანა ომის დანაშაულადაა აღიარებული სისხლის სამართლის საერთაშორისო სასამართლოს წესდებითაც (რომის სტატუტი) და მისი იურისდიქციის ქვეშ მყოფ დანაშაულად ითვლება (რომის სტატუტის მე–8 მუხლის მე–2 პ. (ც)).
Source: ადამიანის უფლებათა საერთაშორისო სამართალი : ლექსიკონი-ცნობარი / [ავტ.: ლ. ალექსიძე (რედ.), ლ. გიორგაძე, მ. კვაჭაძე და სხვ.] - თბ., 2005 - 283გვ. ; 23სმ. - ISBN 99940-0-877-3 : [ფ.ა.]