E. Community Legal Instruments გაერთიანების სამართლებრივ ინსტრუმენტებში იგულისხმება ის გადაწყვეტილებები, რომელთა მეშვეობითაც ევროპის გაერთიანების ორგანოები ევროგაერთიანების ხელშეკრულების საფუძველზე ახორციელებენ თავიანთ ამოცანებს სუბსიდიარობის პრინციპის სათანადო გამოყენებით. ამ ინსტრუმენტებს მიეკუთვნება: რეგლამენტები, რომლებიც მთლიანად სავალდებულოა და პირდაპირ მოქმედებს ყველა წევრი სახელმწიფოს ტერიტორიაზე; დირექტივები, რომლებიც განსაზღვრავენ სავალდებულო მიზანს, რომლის მისაღწევადაც წევრ სახელმწიფოებს საშუალება ეძლევათ შეარჩიონ აღსრულების მექანიზმები; გადაწყვეტილებები, რომლებიც მთლიანად სავალდებულოა მათთვის, ვისთვისაც ისინია გამიზნული; რეკომენდაციები და მოსაზრებები, რომლებიც არაა სავალდებულო და დეკლარაციული ხასიათი აქვს.
Source: ევროპის კავშირი: პოლიტიკა და მმართველი ორგანოები – ცნობარი / შემდგ.: ბიძინა ჯავახიშვილი; რედ.: ნანა ლოლაძე - თბ., 2003 - 64გვ.; 26სმ. - ISBN 99928-0-723-7: [ფ.ა.]