სახელმწიფო ორგანიზაციები, რომლებიც სახელმწიფოს უსაფრთხოების დასაცავად, ან სახელმწიფოს შიდა და გარე ხიფათისაგან დაცვის მიზნით აგროვებენ ინფორმაციას პოტენციური მოწინააღმდეგის შესაძლებლობების და მიზნების შესახებ. თუმცა დ.ს-ის ძირითადი ფუნქცია კონფიდენციალური ინფორმაციის შეგროვებაა, ზოგიერთ ქვეყანაში იგი სხვა მასთან დაკავშირებულ ფუნქციებსაც ასრულებს: კონტრდაზვერვა (ინფორმაციის გაჟონვის თავიდან აცილება), დეზინფორმაციის გავრცელება, შენიღბული ქმედებანი (პოლიტიკური ომი, ან გადატრიალება). დ.ს-ის მიერ შეგროვებული ინფორმაციები და ოპერაციები, როგორც წესი გასაიდუმლოებულია.
Source: ადამიანის უფლებათა ლექსიკონი / [შეადგინა ფრიდონ საყვარელიძემ ; რედ.: ანა ჭაბაშვილი] - თბ. : დასი, 1999 - 128გვ