ევროპის კავშირის მოქალაქეობა

ევროკავშირის მოქალაქეობა შესაძლებელია მხოლოდ მისი წევრი სახელმწიფოების მოქალაქეთათვის. ევროკავშირის თითოეული წევრი სახელმწიფოს მოქალაქე ევროკავშირის მოქალაქედ ითვლება. ამასთანავე, ევროპის გაერთიანების დამფუძნებელი ხელშეკრულება ევროპის კავშირის მოქალაქეებს ოთხ ძირითად უფლებას ანიჭებს: – ევროპის კავშირში გადაადგილებისა და საცხოვრებლის არჩევის თავისუფლება; – ადგილობრივ არჩევნებსა და ევროპის პარლამენტის პირდაპირ არჩევნებში მონაწილეობისა და ხმის მიცემის უფლება ადგილსამყოფელ ქვეყანაში; – მფარველობა თითოეული წევრის სახელმწიფოს დიპლომატიური და საკონსულო სამსახურების მხრიდან, როდესაც ქვეყანა, რომლის მოქალაქეცაა პირი, არაა წარმოდგენილი მესამე ქვეყანაში; – ევროპის ომბუდსმენისადმი მიმართვისა და აპელაციის უფლება.