ევროპის კავშირის პოლიტიკური პროგრამა

მადრიდის ევროპულმა საბჭომ (1995 წლის 15 -16 დეკემბერი) საუკუნის ბოლოსათვის ევროკავშირის ამოცანად განსაზღვრა მომავალი ევროპისათვის საფუძვლის ჩაყრა, რომელიც იქნება ხალხთა თავისუფალი, აყვავებული და სტაბილური გაერთიანება. პრაქტიკულად ეს ნიშნავს: ევროკავშირის ხელშეკრულებაში შესაბამისი ცვლილებების შეტანას; ერთიან ვალუტაზე გადასვლას შეთანხმებული განრიგისა და პირობების შესაბამისად; გაფართოების მოლაპარაკებებისათვის მომზადებას და მის განხორციელებას; 1999 წლის 31 დეკემბრის მომდევნო პერიოდისათვის ფინანსური პერსპექტივის მიღებას; ევროპის უსაფრთხოების ახალი არქიტექტურის ჩამოყალიბებაში მონაწილეობას; კავშირის მეზობელ ქვეყნებთან, განსაკუთრებით რუსეთთან, უკრაინასთან, ურქეთთან და ხმელთაშუა ზღვის ქვეყნებთან მიმდინარე დიალოგის, თანამშრომლობისა და ასოცირების პოლიტიკის აქტიურად განვითარებას.