მონობა და მონებით ვაჭრობა

საერთაშორისო ხასიათის დანმაშაული, რომელიც გამოიხატება ექსპლუატაციის მიზნით ადამიანების მონობაში მოქცევისა და მოგების მირების მიზნით მონებით ვაჭრობაში. მ და მვ–ის მსგავსი დანაშაულია ქალებითა და ბავშვებით ვაჭრობა. საერთაშორისო სამართლით მონობა აკრძალულია. 1890 წელს ბრიუსელში საერთაშორისო კონფერენციაზე მიღებულ იქნა აქტი, რომელიც ითვალისწინებდა მონობასთან ბრძოლის კონკრეტულ ღონისძიებებს. 1926 წლის 25 სექტემბერს მირებულ იქნა საერთაშორისო კონვენცია მონობის შესახებ. გაეროს ადამიანის უფლებათა საყოველთაო დეკლარაცია (მე–4 მუხ.) კრძალავს მონობის ყოველგვარ ფორმას. მონებით ვაჭრობა ნიშნავს მონების გადაყვანის ან მათი გადაყვანის მცდელობას ერთი ქვეყნიდან მეორეში, ან მათ გაყიდვას მატერიალური თუ სხვაგვარი მოგების მიღების მიზნით.