ომის წარმოების არაკონვენციური მეთოდები

სამხედრო და ნახევრად სამხედრო ოპერაციების ფართო სპექტრი, რომლებიც დაპყრობილ, მტრის მიერ კონტროლირებად, ან პოლიტიკურად მოწყვლად ტერიტორიაზე ტარდება. ო.წ.ა.მ-ს მიეკუთვნება (თუმცა, არ ამოწურავს მათ): პოლიტიკური მკვლელობები, პარტიზანული სამხედრო ქმედებები, გადატრიალებები, დივერსიები, საიდუმლო, ან დაფარული ხასიათის სხვა ოპერაციები. ამ მეთოდებს იყენებს ადგილობრივი მოსახლეობა, რომელიც, როგორც წესი, გარე ძალების სხვადასხვა ხარისხის მხარდაჭერით სარგებლობს.