ღირებულებათა სისტემა

საზოგადოებაში ჩამოყალიბებული ნორმები, რომლებიც მისი ღირებულებათა სისტემის უმაღლესი გამოხატულებაა (გაბატონებული აზრი იმის შესახებ, რა არის კარგი, სწორი, ან სასურველი). ღირებულებებსა და ნორმებს შორის ის განსხვავებაა, რომ ღირებულებები აბსტრაქტული, ზოგადი ცნებებია, მაშინ როდესაც ნორმები გარკვეულ ვითარებაში ადამიანების მოქმედების წესები, ან სახელმძღვანელო პრინციპებია. საზოგადოებაში ჩამოყალიბებული ღირებულებათა სისტემა მნიშვნელოვან როლს ასრულებს, ვინაიდან ზეგავლენას ახდენს ნორმების შინაარსზე. მართალია, ყველა ნორმა სოციალურ ღირებულებებს ასახავს, ბევრი ნორმა იმაზე დიდხანს მოქმედებს, ვიდრე ის პირობები, რომლებმაც აღნიშნული ნორმების წარმოქმნა განაპირობა. ნორმებისაგან განსხვავებით, რომელთა გავლენა ყოფიერებაში ადვილად შესამჩნევია, ღირებულებების იდენტიფიცირება ხშირად გაძნელებულია.