უკან მოჩეხვები

1. Sports ძიუდო
   უკან მოჩეხვა (tahi-otoshi) tai-otoshi)
   I ვარიანტი: თავდამსხმელი იწყებს ამოსმულ შუასარმას, მარჯვენა ხელით უჭირავს თავდამცველის მარცხენა ხელი, თავის მარცხენა ხელი კი კისერში აქვს ჩავლებული ან მხარში ზემოდან. თავდამსხმელი როგორც კი შეუტრიალდება ზურგით თავდამცველს ამოსმული შუასარმის ჩასატარებლად, ამ მომენტში თავდამცველი მარჯვენა ხელს ხვევს წელზე, მარცხენა ხელით კი იკრავს მკერდში თავდამსხმელს ისე ძლიერად, რომ თავდამსხმელს არ ჰქონდეს თავისუფალი მოძრაობის საშუალება – ამას ეწოდება „მარწუხებში მოქცევა“. ამის შემდეგ თავდამცველი მარჯვენა ფეხით უკან გადადის თავდამსხმელის ზურგისკან და ფეხში ურტყამს სარმას (ბარძაყით) რის შედეგადაც ასრულებს უკან მოჩეხვას.
2. უკან მოჩეხვა მუხლით და ბარძაყის ჩადგმით (tani otoshi)
   II ვარიანტი: თავდამსხმელს მარჯვენა ხელი ჩავლებული აქვს თავდამცველის მარცხენა მხრის ან მკერდის არეში, მარცხენა კი – იდაყვთან, მარჯვენა მუხლი აწეული აქვს მარცხენა ფეხით წინ მოძრაობს, ბიძგს აკეთებს და გადის გვერდზე, თავდამცველის მარცხენა მხარეს, მარჯვენა ფეხს უკან უდგამს თავდამცველს მარცხენა ფეხის მუხლის სახსართან და სიმძიმის ცენტრი გადააქვს უკან, მარცხენა ფეხზე. თავდამცველს ისვამს ბარძაყზე, შემდეგ ბარძაყის აკვრით, ხელებისა და ტანის უკან მოქნევით აკეთებს მოჩეხვას
   Source: სასპორტო ტერმინთა განმარტებითი ლექსიკონი/ავტორი, შემდგენელი, მთ. რედაქტორი მანანა გოშაძე; თანაავტორი და კონსულტანტი ვასილ ლიპარტელიანი; ყდის დიზაინერი ირაკლი უშვერიძე; საქართველოს ფიზიკური აღზრდისა და სპორტის სახელმწ. სასწ. უნივერსიტეტი, სპორტის, ტურიზმისა და ახალგაზრდობის საერთაშორისო ფონდი. - თბილისი : უნივერსალი, 2023.