საიჟინრო გეოდინამიკა

საინჟინრო გეოლოგიის მეცნიერული მიმართულების ერთ - ერთი ნაწილია. სწავლობს გეოლოგიურ პროცესებს და მოვლენებს როგორც ბუნებრივად წარმოქმნილს, ასევე ტერიტორიის საინჟინრო - სამეურნეო გამოყენებასთან კავშირში. საინჟინრო გეოდინამიკის საბოლოო ამოცანას წარმოადგენს გეოლოგიური პროცესების მეცნიერული საფუძვლებისა და მართვის მეთოდების დამუშავება და გეოლოგიური გარემოს რაციონალური გამოყენება. საინჟინრო გეოდინამიკა სწავლობს და ამუშავებს: 1. ყველა სახის ეგზოგენური და ზოგიერთი ენდოგენური პროცესებისა და მოვლენების გავრცელების კანონზომიერებებს, რომლებშიც მიმდინარეობენ დედამიწის ზედაპირზე და მიწის ქერქის ზედა ჰორიზონტებში; 2. ადამიანის საინჟინრო - სამეურნეო საქმიანობასთან დაკავშირებული გეოლოგიური პროცესების წარმოქმნის კანონზომიერებებს; 3. სხვადასხვა გეოლოგიური პროცესებისა და მოელენების განვითარების დინამიკასა და მექანიზმს, მათი გამოვლინების ფორმებს და სხვადასხვაგვარი ბუნებრივი და ხელოვნური ფაქტორებით განპირობებას; 4. გეოლოგიური პროცესების შესაძლო გაელენას რაოდენობრივი და ხარისხობრივი მეთოდებით შეფასებას ტერიტორიის და ნაგებობის სიმდგრადეზე და მათი ექსპლუატაციის პირობებზე; 5. გეოლოგიური პროცესებისა და მოვლენების საშიშროების თეორიული საფუძვლების პროგნოზს, მათი განვითარების ლოკალიზაციას ან გაუვნებლობას და ტერიტორიის საინჟინრო დაცვით ღონისძიებებს.