ბიოელემენტების წრებრუნვა

ორგანიზმში ნივთიერებათა შედგენილობის ცვლა გამოიხატება შემდეგ პორცესში: ორგანიზმთა სიცოცხლე შეუძლებელია, თუ მასში საკმაო რაოდენობით არ იქნება ისეთი კათიონი, როგორიცაა: კალიუმი, კალციუმი და მაგნიუმი. მათ უჭირავთ მშრალი წონის მესამედი, ამიტომ მათ მაკროელემენტებს უწოდებენ. რკინა, ბორი, თუთია, სპილენძი, მაგნიუმი, მოლიბდენი, ქლორის ანიონი კი მცირე რაოდენობითაა საჭირო /მშრალი წონის მემილიონედი/, ამიტომაც ისინი მიკრო ანუ ოლიგოელემენტებად იწოდებიან. ნიადაგში აღნიშნულ ელემენტთა აბსოლუტური და შეფარდებითი კონცენტრაცია დიდ როლს ასრულებს მცენარეული საფარის შემადგენლობის განსაზღვრაში. ხმელეთზე ბიოგენური კათიონების ძირითადი წყარო ნიადაგია, რომელიც წარმოიქმნება ქანების დაშლისას.