ხრამი

რელიეფის ეროზიული ფორმა, რომელიც წარმოიქმნება ფერდობზე ან წყალგამყოფზე, წარმოადგენს შედარებით ღრმა, წაგრძელებულ, დაკლაკნილ ან დატოტვილ ჩაღრმავებას, ქმნის V - ფორმის მქონე დროებითი ნაკადის ხეობებს, რომლებიც წარმოიქმნებიან წყალდიდობის დროს, ან პატარა ღელეებისაგან და გვალვების დროს შრებიან. ხრამი ეროზიის განვითარების პერიოდში განიცდის რიგ კანონზომიერ ურთიერთ შემცვლელ სტადიებს: მცირე სიღრმისა და სიგრძის ნაღვარევიდან (პირველი სტადია); ღრმა და განტოტვილი ხრამამდე (მეორე სტადია), რომელიც ჩამოყალიბდება ხევად, რომლის გრძივი პროფილი და ფერდობები აღწევენ განვითარების განსაზღვრულ წონასწორობას; იფარება ბუჩქნარებით, ხოლო მათი განივი კვეთი უახლოვდება ტრაპეციის ფორმას, ხასიათდება მკვეთრად გამოხატული ფსკერით (მესამე სტადია) (В.Д. Ломтадзе. 1999).