ეოლური რელიეფი

წარმოიქმნება ქარის მოქმედების შედეგად მეტწილად არიდული ჰავის პირობებში, აგრეთვე ზღვების, ტბებისა და მდინარეთა სანაპიროებზე. უფრო მეტადაა გავცელებული აკუმულაციური და აკუმულაციურ-დეფლაციური რელიეფის ფორმები - ქვიშის ბორცვები და სერები, ბარხანები, დიუნები, ღარტაფები, იარდანგები და სხვა. მათი მორფოლოგია და სიდიდე ძირითადად გაბატონებული ქარის რეჟიმზეა დამოკიდებული. ტროპიკული არიდული უდაბნოებისათვის (საჰარა, თაკლამაკანი) დამახასიათებელია შიშველი, ადვილად მოძრავი ქვიშიანი ფორმები; მცენარეულობით სუსტად შემოსილ ტროპიკულ გარე უდაბნოებში გვხვდება ნაკლებად მოძრავი ან უმოძრაო ეროზიული რელიეფის ფორმები (შუა აზია, ავსტრალია და სხვა).