ადამიანის საქმიანობის ზემოქმედება ლანდშაფტზე

ლანდშაფტის შეცვლა თავის მხრივ იწვევს დადებით და უარყოფით შედეგს სამეურნეო მოღვაწეობასა და ადამიანის ჯანმრთელობაზე. ლანდშაფტზე ზემოქმედებას შეიძლება ჰქონდეს შემდეგი მიზანი: ა) ბიოლოგიური პროდუქტიულობის გადიდება ან რესურსების ზრდა (მიწის სასოფლო-სამეურნეო დამუშავება, სხვადასხვა სახის მელიორაცია); ბ) ზოგიერთი რესურსის დაგროვება (მათი მარაგის შექმნა, მაგ. წყალსაცავის სახით); გ) ადამიანის ირგელივ არსებული გარემოს გაჯანსაღება (ინფექციის ბუნებრივი კერების ლიკვიდაცია და სხვ. დ) საქმიანობის პირობების გაუმჯობესება (ლანდ მაფტის კეთილმოწყობა: გზის გასწვრივ თოვლის დამცველი ნარგავების გაშენება, ნაყარის შექმნა ტრანსპორტის მოძრაობისათვის, მეწყერი და ზვავსაშიში მდგომარეობის საწინააღმდეგო ღონისძიებები და სხვ) ლანდშაფტის კომპონენტების ურთიერთკავშირს, ასევე მათ კავშირს მომიჯნავე ლანდშაფტებთან მივყავართ იქამდის, რომ მის ერთ-ერთ კომპონენტზე მიზანდასახულ ზემოქმედებას ხშირად თან ახლავს წინასწარგანუსაზღვრელი ზემოქმედება მის სხვა კომპონენტებზე. პრაქტიკულად თითქმის ადამიანის საქმიანობის ყველა ფორმა (საწარმოო, რეკრეაციული, მეცნიერული) მუდმივად ან პერიოდულად მოქმედებს მათზე. დღეისთვის ადამიანის საქმიანობამ მიიღო გლობალური ხასიათი და იგი ფართოვდება მოსახლეობისა და ტექნიკის ზრდასთან ერთად. ლანდშაფტზე ზემოქმედება იწვევს მისი მდგომარეობის სხვადასხვაგვარ ცვლილებას (კომპონენტების რეჟიმსა და მთელი ლანდშაფტის).