ნაქაჩი

1. იგივეა რაც ნარწყული
    

   ნარწყულს კი არა, ნაქაჩს ვეძახით ჩვენ წყალ–ღვინოს (ვანი, ზედა საქარა, განთიადი, ვერტყვიჭალა); ძველ დროს იცოდენ ქვის ტაფა და იმაზე იყო ხეი გაკეთებული და მაღლა იყო ქვაი ამოჭრილი, ეტყოდენ კვირისტავს. იმას ატრიალებდენ და ჩამევიდოდა ძირს, დაწნეხავდა ჭაჭას და გამეიქაჩებოდა ტკპილი, მიტო უძახოდენ ნაქაჩს, ახლა ნაქაჩს წყალღვინოს უძახით (სანახშირე).

2. საწნახელში ჩაყრილ ჭაჭაზე წყლის დასხმით მიღებული ღვინო დუღილის პროცესში
    

   ნაწილ ჭაჭას ჭურეფში ყრიან, ნაწილს ტოვებენ საწნახელში, რომელზედაც ასხამენ წყალს, დუღილის დროს მას ეძახიან ნაქაჩს (ტაბაკინი).

   Source: ძოწენიძე, ქეთევან. ზემოიმერული ლექსიკონი. - თბილისი, განათლება. 1974. – გვ. 284.