სიღრმული რღვევა

დედამიწის ქერში შექმნილი დიდი სიღრმის (მანტიაში ჩასული) წყვეტითი აშლილობა. დედამიწის ქერქს ანაწევრებს ბლოკებად, რომლებიც ერთმანეთისაგან განსხვავდებიან მოძრაობის ხასიათით და სტრუქტურით. განარჩევენ; 1.შრეების მიმართულების ან ნაოჭების ღერძების მიმართ ორიენტაციის მიხედვით გასწვრივ, განივ და ირიბ რღვევებს; 2.რღვევის სიბრტყის დაქანების კუთხის მიხედვით - დამრეც, საშუალო დაქანების, ციცაბო და შვეულ რღვევებს.; 3.რღვევის სიბრტყის ელემენტების დაქანების მიხედვით - შეთანხმებულ და უთანხმო რღვევებს; 4. ბაგეების გადაადგილების ხასიათის მიხედვით - პარალელურ, რადიალურ, დატოტვილ და კულისურ აშლილობებს.