ტყუპი მდინარეები

დაახლოებით ერთნაირი სიდიდის ორი მდინარე, რომლებიც ერთმანეთს რაიმე მიზეზით სცილდება და, გარკვეული მანძილის გავლის შემდეგ, უერთდებიან წყალსატევს ან მდინარეს, მაგ., ტიგროსისა და ევფრატის ქვემო ნაწილის დაშორიშორება გამოიწვია ალუვიურმა ნაფენებმა. ბაკურიანის ლავურმა ღვარმა ადრინდელ ხეობაში შექმნა ბაკურიანის პლატო და განაპირობა ორივე ფერდის გასწვრივ ეროზიული ხეობების - ბაკურიანის წყლისა და ბორჯომულას გამომუშავება.