განწევრება

ქანების დაპობა დამახასიათებელი ფორმის ბლოკებად, ლოდებად ან ნატეხებად ბუნებრივი ან ხელოვნური გზით.ბლოკები სხვადასხვა სიდიდისაა - დაწყებული რამდენიმე სმ-დან, ათეული მ-ებით დამთავრებული.განწევრება გამოწვეულია ქანში ხილულ ან უხილავ ურთიერთგადამკვეთ ნაპრალთა სისტემების არსებობით. გამოყოფენ განწევრების შემდეგ ფორმებს:ბელტურს (მრავალწახნაგა, პოლიედრული), კუბურს (სწორკუთხოვანი), ფურცლოვანს (ფირფიტისებრი),სვეტისებრს (პრიზმული, ბაზალტური), რომბულს, ბურთისებრს (სფრული, ნაჭუჭისებრი),ბალიშისებრს, ფენურს, ფილისებრს და სხვ.