გეოანტიკლინი

დედამიწის ქერქის ამათუ იმ მონაკვეთის აზევებული უბანი გეოსინკლინში,ხშირად რამდენიმე გეოლოგიური პერიოდის განმავლობაში ვითარდება.გეოანტიკლინის ნალექი წყებები სინქრონულ გეოსინკლინურ წყებებთან შედარებით უხეშმარცვლიანია, ნაკლები სისქისაა, ხშირად გადარეცხილია და ჭრილში არასრული.ოროგენული ციკლის დასასრულს ჩამოყალიბებულ ნაოჭა სისტემებში გეოანტიკლინი ცენტრალური, ყველაზე მაღლა აზიდული და უძველესი ქანებით აგებული უბანია, რომელიც შემდეგ ანტიკლინორიუმად, ხშირად შუალედ მასივად გარდაიქმნება. თანამედროვე ნეოანტიკლინებად ითვლება მალაის არქიპელაგი და კურილის კუნძულთა რკალი, ძველად -კავკასიონის მთავარი ქედი.