გეოკრიოლოგია

მეცნიერება მზრალი გრუნტებისა და ქანების შესახებ, მათი წარმოშობის პროცესებისა და არსებობის, აგრეთვე გაყინვის, გადნობის და მზრალი წყებების დიაგენეზის პროცესებზე. სწავლობს მარადულ და სეზონურად მზრალ ქანებს, მათ შემადგენლობას, აგებულებას, ფიზიკურ-მექანიკურ ხასიათს, გრუნტების ურთიერთკავშირს მიწისქვეშა ყინულებთან, აგრეთვე გეოლოგიურ, გეომორფოლოგიურ და ჰიდროგეოლოგიურ მოვლენებს, დაკავშირებულს დედამიწის ქერქის ზედა ნაწილის გაყინვისა და გადნობის მოვლენებთან, მათ კავშირს ნაგებობათა მშენებლობასა და ექსპლუატაციასთან, ტერიტორიის სასოფლო-სამეურნეო ათვისებასთან და სხვ.