დელტური ნაფენები

მდინარის შესართავთან შექმნილი სხვადასხვაგვარი მექანიკური შედგენილობის ნალექები. ზღვის აკვატორიისკენ ნალექები უფრო წვრილი და ერთგვაროვანი ხდება, შრეებრიობა შეუმჩნეველი. ნალექების გრანულომეტრიული შედგენილობა,მათი დახარისხება და დამრგვალება დამოკიდებულია მდინარის სიდიდეზე, მის მიერ მოტანილი მასალის რაოდენობაზე, კალაპოტის დახრილობაზე, წყალსატევის სიდიდეზე და ჰიდროდინამიკურ რეჟიმზე, ნაპირის ტოპოგრაფიაზე, ტექტონიკური მოძრაობის ხასიათზე, ჰავაზე და სხვა ფაქტორებზე.