დენუდაციური ზედაპირი

სუბჰორიზონტული დენუდირებული ზედაპირი გამომუშავებული სხვადასხვა ასაკის დისლოცირებულ ქანებში. წარმოიქმნება ეგზოგენური პროცესების ზემოქმედებით დედამიწის ზედაპირის ხანგრძლივი ტექტონიკური შესვენებისა და დენუდაციის ბაზისის სტაბილიზაციის პერიოდში.სხვადასხვა ჰავის პირობებში დენუდაციური ზედაპირების ჩამოყალიბება ერთმანეთისაგან რამდენადმე განსხვავებულია, რითაც აიხსნება მათი სახელწოდებების სიმრავლე:პენეპლენი, პედიპლენი (შთენილი ზედაპირი),პანპლენი,ერვიპლენი და სხვ.მთიან ქვეყნებში, სადაც მრავალჯერ ხდება დენუდაციის ბაზის ცვალებადობა, წარმოიქმნება სხვადასხვა ასაკის დენუდაციური ზედაპირები ან ერთი და იგივე ზედაპირი დეფორმაციას განიცდის და მისი ნაწილები აიზიდებიან სხვადასხვა სიმაღლეზე. დენუდაციური ზედაპირების შესწავლას დიდი თეორიული და პრაქტიკული მნიშვნელობა აქვს.