რელიეფის ინვერსია

რელიეფის ფორმებსა და ტექტონიკურ სტრუქტურებს შორის ისეთი დამოკიდებულებაა, როცა ანტიკლინურ სტრუქტურებში ხეობებია გამომუშავებული, ხოლო წყალგამყოფი ხეობები ან ქედები სინკლინებს უკავია (რელიეფის დადებითი ფორმა). ასეთ მოვლენას ადგილი აქვს იმ შემთხვევასი, როცა ანტიკლინის გული აგებულია ეროზიისადმი ნაკლებად მდგრადი ქანებით, ხოლო სინკლინის გული -მკვრივი ქანებით. რელიეფის ინვერსიას ადგილი აქვს მაშინაც, როდესაც ლავური ნაკადი ავსებს ვულკანის ფერდობზე ადრე არსებულ ხეობას და მის ადგილზე წარმოშობს ახალ წყალგამყოფს, ეს აიძულებს მდინარეს, გამოიმუშაოს ახალი კალაპოტი ძველ წყალგამყოფზე.