
	ლექსიკონები Top 10 Feedback Login ლექსიკონი ქართული

* - <
[ {
Ֆ ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ ჱ ჲ ჳ ჴ ჵ – ●

ს ს´ სა სდ სე სვ სთ სი სკ სლ სმ სნ სო სპ სრ სტ სუ სფ სქ სყ სჩ სც სძ სწ სჭ სხ სჯ სჰ სჳ

Suggest a term Print version

საჭირო

Turk. ზარურ ZAaBC.

საჭიროსა ორგვარად იტყვიან, რამეთუ: საჭიროდ უწოდენ საჴმარსა, ესე იგი არს შესაწევნელად (+ რაჲსა მიმართ B), ვითარ–იგი შესხმა–ჩაცმა, რამეთუ შეეწევის არა განხრწნისათვის სხეულთა(სა); (+ და ესრეთ გებად უმრავლეს ჟამიერად, საჭიროდ ითქმის თანა დართვით B) მეორედ საჭიროდ ითქმის (ითქმის უკვე საჭიროდ B) წინა–უკმო განწვალებულიცა საგებელისაჲ, რომლისა თვინიერ ყოფაჲ შეუძლებელ არს; ვითარ საჭირო არს მქონებელთა სამშვინველისათა აღმოფშვინვაჲ უეჭველად, რათა ცოცხალ იყოს (იყვნენ B); (+ ნანდვილ ZA) საჭირო ვიდრემე უკვე არს მარადის იგივეობისა მქონებელი და საჭიროობით მყოფი; ხოლო საგები, რომლისა (რომელსა B) ძალითად ჰქონდის მყოფობაჲ ორთა წინააღმდგომთა, ვითარ–იგი აღმოკითხვისა და არააღმოკითხვისაჲ, არა რომლისა უკვე ყოფათა (ყოფითა B), არამედ ძალსა შინა, ხოლო მყოფად სახილველობითა; ხოლო გამყოფებული არს მოქმედებად მოყვანებული მდგომი საგები, რამეთუ ყოველი(ვე), რაჲცა არს საჭირო, ანუ საგებ, ანუ გამყოფებულ, იგი ნანდვილიცა არს¹ ZAB.

ხოლო სათანადო არს ცნობად, ვითარმედ ფილასოფოსნი საჭიროსა ორგვარად იტყვიან: რამეთუ საჭიროდ უწოდენ ანუ საჴმარსა, ანუ წინა–უკმო განწვალებულსა საგებისასა; საჴმრად ვიდრემე იტყვიან შესაწევნელად (შესაწევნელსა CqD) რაჲსა(მე) მიმართ, ვითარ–იგი შესხმასა, ჩაცმასა, რამეთუ შეეწევის უდარესისა მიმართ არგანხრწნისათვის სხეულთა და ესრეთ გებად უმრავლეს ჟამიერად; ითქმის უკვე საჭიროდ, ვითარ ვთქუ, წინა–უკმო განწვალებულიცა საგებელისაჲ (საგებისაჲ D), რომლისა თვინიერ ყოფაჲ შეუძლებელ არს, ვითარ საჭირო არს მქონებელთა სამშვინ(ვ)ელისათა აღმოფშვინვაჲ უეჭველად, რათა ცოცხალ იყვნენ; ვინაცა საჭიროდ ითქმის წიგნი ესე CD².

¹ნაწილობრივ გამოკრებილია ამონიოსის წიგნიდან: "მოსაჴსენებელი ხუთთა ჴმათადმი" (A-250, 67 r-v). ²აღებულია ამონიოსის წიგნიდან: "მოსაჴსენებელი ხუთთა ჴმათადმი" (A-250, 67 r-v).