სიზმარი

სიზმარი არს ძალი სულისა მშვინვიერისაჲ და, რა დაეძინოს სხეულსა, სული მშვინვიერი და სული გონიერი არა მძინარე არს და სული გონიერი ზრახავნ თავსა შორის თვისსა და გონებითა განიცდის რაისაცა. და იქმნების სიზმარი ოთხთა რევმათაგანცა და ეშმაკთა მიერცა მანქანებითა. ხოლო საღ´თოთა ძალითსა ჩვენებასა არა ეწოდებიან სიზმარ B. სიზმარი არს ზრახვა თავთა შორის თვისთა გონიერისა სულისაჲ, რამეთუ სტომაქისა მიერ აღორთქლებისა საზრდელთასა; რამეთუ ორთქლი იგი აღვალს ტვინად და შევალს ძარღვად და და(ჰ)ჴშავს ორღანოთა საგრძნობელთასა: თვალთა, ყურთა, ენათა და საყნოსელთასა; ხოლო სხეული თვინიერ ამათ(თა)სა იქმნების უქმ და მძინარ(ე), არამედ სული უკვდავი და გონიერი არ(ა) მძინარე არს, არამედ ზრახავნ თავთა შორის თვისთა, ანუ ქვეყანათა და ადგილთა განიცდის გონებითა CD. განუმარტავია E.