არს ზომიერი კაცთა სავალი ხოლო შ ა რ ა – ვრცელი, და ბ ი ლ ი კ ი – ვიწრო, ხოლო ქ ა შ ა ნ ი – შამბნართა ანუ თოვლთა ზედა გატკეცილი სავალი და წ ა ვ ა რ ნ ა – კლდეთა ზედ(ა) ვიწრო რამე ნადირთა წარსავალი ZA.
ყოველ სავალი. გ ზ ა ეწოდების ზომიერს სავალსა, ხოლო შ ა რ ა – ვრცელსა და ბ ი ლ ი კ ი – ვიწრო გზასა, და ქ ა შ ა ნ ი – თოვლთა გატკეცილთა, გინა შამბთა უგზოთა ადგილთა, და წ ა ვ ა რ ნ ა – კლდეთა ვიწროთა რასმე გასავლელთა ნადირთა მიერ B. გ ზ ა ეწოდების ზომიერსა სივრცითა გატკეპნილსა, ხოლო შ ა რ ა – უვრცელესსა, და ბ ი ლ ი კ ი – წვლილსა გზასა და ქ ა შ ა ნ ი – შამბთა შინა და თოვლთა ზედა გაქელილსა ნათრევსა რასამე მსგავსად გზისა, ხოლო წ ა ვ ა რ ნ ა – კლდეთა შინა მჴეცთა ოდენ გასავალსა. კვალად გ ზ ა დ ითქმის ფოლორცნი და შუკანიცა Cab. განუმარტავია CqD.