ეპიდემია

მწვავე (გადამდები) ინფექციური დაავადების გავრცელება რომელიმე რაიონსა ან ქვეყანაში. დასნეულების საერთო წყაროთი დაკავშირებულ ჯგუფურ დაავადებებს, რომლებიც გარკვეულ ტერიტორიაზე უეცრად ჩნდება ეპიდემიურ აფეთქებას, ხოლო ცალკეულ ინფექციურ დაავადებებს – სპორადულ ავადობას უწოდებენ. ეპიდემიური პროცესის ინტენსივობა დამოკიდებულია არა მარტო დაავადებათა რაოდენობაზე, არამედ დაავადების სახეობასა და ქვეყანაზე, სადაც ვრცელდება ესა თუ ის დაავადება.