ადაპტაცია

ორგანიზმების (ინდივიდების, პოპულაციების, სახეობების) და მათი ორგანოების აგებულებისა და ფუნქციების გარემო პირობებისადმი შეგუების პროცესი. ადაპტაცია მოიცავს ფიზიოლოგიურ, ბიოლოგიურ, ფსიქიკურ და სოციალურ დონეებს. დემოგრაფიაში არსებითი მნიშვნელობა აქვს სოციალურ ადაპტაციას – ინდივიდუალური და ჯგუფური ქცევების შესატყვისობაში მოყვანას იმ ნორმათა და ფასეულობათა სისტემასთან, რომელიც გაბატონებულია მოცემულ საზოგადოებაში ან სოციალურ ჯგუფში. ადაპტაცია დემოგრაფიაში შეისწავლება მოსახლეობის, ოჯახის, მიგრანტებისა და სხვ. მიმართ.