კრიმინოლოგია

მეცნიერება, რომელიც შეისწავლის დანაშაულობას როგორც სოციალურ მოვლენას, მის მიზეზებს, დამნაშავის პიროვნებას, აგრეთვე დანაშაულის თავიდან აცილებისა და აღკვეთის ღონისძიებებს.

კრიმინოლოგიის დემოგრაფიული ასპექტები ჩართულია დამნაშავეობის მიზეზობრივი განპირობებულობის კომპლექსურ დახასიათებაში. კრიმინოლოგები აღნიშნავენ, რომ დემოგრაფიული პროცესების გავლენა დამნაშავეობაზე თვალნათლივ შეინიშნება ტერიტორიის, მიგრაციის, ასაკის და სხვ. მიხედვით. დემოგრაფიული პროცესები დამნაშავეობაზე მოქმედებენ არა პირდაპირ, არამედ სხვა ფაქტორების მეშვეობით.