 |
 | |
მოსახლეობის აღწერის კრიტიკული მომენტი
E. Census moment
Rus. Критический момент переписи населения
Rus. Критический момент переписи населения
მთელი ქვეყნისათვის ერთიანი დროის ზუსტი მომენტი, რომელსაც შეესაბამება მოსახლეობის აღწერისას შესაკრები ცნობები. მოსახლეობის აღწერის კრიტიკული მომენტის დადგენა შესაძლებლობას იძლევა მიღებულ იქნას მოსახლეობის მომენტალური სურათი, ადამიანები იბადებიან, კვდებიან, ქორწინდებიან, განქორწინდებიან, იცვლიან თავიანთ სოციალურ მდგომარეობას, გადაადგილდებიან ერთი ადგილიდან მეორეში და სხვა. ყოველი დღის ბოლოსათვის მოსახლეობა უკვე ის არ არის, რაც დილისათვის იყო. მოსახლეობის აღწერის კრიტიკულ მომენტს აქვს მნიშვნელობა ერთდღიანი მოსახლეობის აღწერის დროსაც და მით უფრო მაშინ, როდესაც მოსახლეობის აღწერა გრძელდება რამდენიმე დღეს. მოსახლეობის აღწერის ყველა დღის განმავლობაში სააღწერო ფურცლებში ჩაიწერება ცნობები ქვეყნის ყველა მცხოვრების შესახებ მოსახლეობის აღწერის კრიტიკული მომენტის მდგომარეობის მიხედვით.
ჩვეულებრივ, მოსახლეობის აღწერის კრიტიკულ მომენტად მიიჩნევენ შუაღამეს მოსახლეობის აღწერის პირველი დღის წინ. ეს აიხსნება იმით, რომ მოსახლეობას აღწერენ საცხოვრებელი ადგილის მიხედვით და ადამიანთა უმრავლესობა შუაღამისას იმყოფება სახლში.
XX ს. ბოლოს მსოფლიოში მოსახლეობათა აღწერების უმრავლესობა ითვალისწინებს მოსახლეობის აღწერის კრიტიკულ მომენტს. მხოლოდ ცალკეულ ქვეყნებში (აშშ, ფინეთი) მოსახლეობის აღწერის თარიღს ადგენენ გარკვეული დღით, მოსახლეობის აღწერის კრიტიკული მომენტის გარეშე.
XX ს. მოყოლებული საქართველოში ჩატარებული მოსახლეობის ყველა აღწერისას მოსახლეობის აღწერის კრიტიკულ მომენტად მიჩნეულ იქნა აღწერის პირველი დღის წინა შუაღამე.
See also: მოსახლეობის აღწერა
Source: დემოგრაფიის მოკლე ენციკლოპედიური ლექსიკონი /UNFRA გაერთიანებული ერების მოსახლეობის ფონდი; შემდგ.: გიორგი წულაძე; [სარედ. კოლ.: ა. სულაბერიძე (მთ. რედ.) [და სხვ.]. თბ., 2012 (შპს „ვესტა“)
 to main page | Top 10 • Feedback • Login |  top of page |
| © 2008 David A. Mchedlishvili | XHTML | CSS | Powered by Glossword 1.8.9 |