სტერილობა

სქესმწიფე ინდივიდში სქესობრივი გამრავლების უნარის არქონა. დემოგრაფიაში ზოგჯერ აიგივებენ სტერილობას და უნაყოფობას, მაგრამ ეს ორი სხვადასხვა ცნებაა. უნაყოფობა ფართო მოვლენაა, რომელიც შეიცავს სტერილობას, როგორც ერთ-ერთ სახეობას.

სტერილობისას ასხვავებენ მის სხვადასხვა ფორმას:

მუდმივი სტერილობა – უფროს ასაკში მენოპაუზის დადგომის შემდეგ ფერტილურ პერიოდში როგორც დაავადების ან სტერილიზაციის შედეგი;

დროებითი სტერილობა – ორსულობისა და მშობიარობის შემდგომ პერიოდში, კონტრაცეპციის გამოყენების პერიოდში;

ბუნებრივი სტერილობა – ნორმალური ფიზიოლოგიური მიზეზებით გამოწვეული;

ხელოვნური სტერილობა – ჩასახვის საწინააღმდეგო საშუალებების გამოყენებით გამოწვეული;

პათოლოგიური სტერილობა – გამოწვეული ავადმყოფობათა და ტრავმების შედეგად;

აბსოლუტური სტერილობა – ჩასახვის სრული გამორიცხვით;

ფარდობითი სტერილობა – ჩასახვის შანსი შენარჩუნებულია, მაგრამ ძალიან მცირეა.