ბავშვები ქორწინებაში დაბადებული

ბავშვები, რომლებიც გააჩინეს რეგისტრირებულ ქორწინებაში მყოფმა ქალებმა. მაგ. საქართველოში 1989 წელს, ასეთი ბავშვების წილმა ყველა დაბადებული ბავშვის 82.3% შეადგინა, ხოლო 2003 წელს 55,4 %-მდე შემცირდა. უნდა აღინიშნოს, რომ საქართველოში ქორწინებაში დაბადებული ბავშვები მნიშვნელოვნად კლებულობს უკანასკნელ პერიოდში. ჯერ კიდევ 1980 წელს ქორწინებაში დაბადებული ბავშვები შეადგენდნენ 95,3 %-ს. სხვადასხვა ქვეყანაში ქორწინებაში დაბადებული ბავშვების წილი საკმაოდ განსხვავებულია. მაგ. იტალიაში მათი წილი 95%-ს შეადგენდა (1984 წ.), ხოლო იმავე დროს დანიაში, ისლანდიასა და შვედეთში - მხოლოდ 50%-ზე რამდენადმე მეტს.