მოსახლეობა რეგრესული

კლებადი მოსახლეობის თეორიული მოდელი, რომელიც ასახავს მოსახლეობის შეკვეცილი აღწარმოების რეჟიმს. პრაქტიკაში რეგრესული მოსახლეობა შეესაბამება ექსპონენციალურ მოსახლეობას უარყოფითი მატების ტემპით. მოსახლეობა რეგრესული შეიძლება დახასიათებულ იქნას მოსახლეობის აღწარმოების ერთზე ნაკლები ნეტო კოეფიციენტით. რეგრესული მოსახლეობის ასაკობრივი სტრუქტურა შეესაბამება ე.წ. „რეგრესულ“ ტიპს (ასაკობრივი პირამიდა ვიწრო საფუძვლით და გაფართოებული წვეროთი). რეგრესულ მოსახლეობაში შობადობის კოეფიციენტი ნაკლებია მოკვდაობის კოეფიციენტზე. რეგრესული მოსახლეობის მდგომარეობის შენარჩუნებას მოჰყვება დეპოპულაცია. რეგრესულ მოსახლეობას შეიძლება ჰქონდეს ადგილი მოსახლეობის დადებითი ბუნებრივი მატების შემთხვევაშიც, თუ მიგრაციის სალდო მუდმივად უარყოფითია და ის ჭარბობს მოსახლეობის ბუნებრივი მატების მაჩვენებელს.