E. Experimental censusRus. Перепись населения пробная ქვეყნის მცირე ნაწილის მოსახლეობის მთლიანი გამოკვლევა, რომელიც ტარდება მოსახლეობის აღწერის მეთოდის, მისი ინსტრუმენტარის, კითხვათა ფორმულირების, ცნობათა შეკრების ორგანიზაციის წესის, აღწერაში მონაწილე პერსონალის დატვირთვისა და მოსახლეობის მოსალოდნელი აღწერის სხვა მეთოდური და ორგანიზაციული საკითხების შესამოწმებლად. ჩვეულებრივ, მოსახლეობის აღწერა საცდელი ტარდება ქვეყნის რამდენიმე რაიონში, რომლებიც განსხვავდება ერთმანეთისაგან ბუნებრივ-სამეურნეო პირობებით, მოსახლეობის შემადგენლობითა და მოსახლეობის ტერიტორიული განსახლების ხასიათით.
Source: დემოგრაფიის მოკლე ენციკლოპედიური ლექსიკონი /UNFRA გაერთიანებული ერების მოსახლეობის ფონდი; შემდგ.: გიორგი წულაძე; [სარედ. კოლ.: ა. სულაბერიძე (მთ. რედ.) [და სხვ.]. თბ., 2012 (შპს „ვესტა“)