მოსახლეობის შემადგენლობა (სტრუქტურა)

მოსახლეობის განაწილება ამა თუ იმ ნიშნის მიხედვით. თუ მოსახლეობის შემადგენლობა (სტრუქტურა) წარმოდგენილია ორი (მაგ. სქესი) ან რამდენიმე ნიშნის გრადაციით, მაშინ თითოეული მათგანი შეიძლება დაყოფილ იქნას ქვეჯგუფებად სხვა ნიშნების მიხედვით (მაგ. ადამიანთა განაწილება ასაკის მიხედვით ხშირად განიხილება თითოეული სქესისათვის (კალ-ცალკე).

გამოყოფენ მოსახლეობის შემადგენლობას (სტრუქტურა) ასაკის, სქესის, ეთნოსის, ენის, ეროვნების, ოჯახური და ქორწინებითი მდგომარეობის, რასის, რელიგიისა და სხვა ნიშნების მიხედვით.

მოსახლეობის შემადგენლობა (სტრუქტურა) დროის გარკვეული მომენტისათვის არის წინა პერიოდის დემოგრაფიული პროცესის ინტენსივობის ცვალებადობის შედეგი. ამავე დროს მოსახლეობის შემადგენლობაზე (სტრუქტურა) არის დამოკიდებული მოსახლეობის რაოდენობის შემდგომი ცვალებადობა, ვინაიდან ამა თუ იმ პროცესის ინტენსივობა მოსახლეობის სხვადასხვა ჯგუფში განსხვავებულია.

ზოგიერთი მეცნიერი ანსხვავებს „მოსახლეობის შემადგენლობისა“ და „მოსახლეობის სტრუქტურის“ ცნებებს და მათ არაიდენტურად მიიჩნევს. მოცემულ ლექსიკონში აღნიშნული ცნებები იდენტურია.