მშობიარობა

ორსულობის დამამთავრებელი რთული ფიზიოლოგიური პროცესი, როდესაც საშვილოსნოს რიტმული შეკუმშვის შედეგად დედის ორგანიზმიდან გამოიდევნება ნაყოფი და მისი მომყოლი. განარჩევენ დროულ მშობიარობას, რომელიც იწყება ნაყოფის ჩასახვიდან 10 სამთვარეო თვის ანუ 40 კვირის ბოლოს (დასაშვები მერყეობა 14 დღეა); ნაადრევს – როცა იბადება მოუმწიფებელი, მაგრამ სიცოცხლისუნარიანი ნაყოფი – 28 კვირიდან 40 კვირამდე და დაგვიანებულს, როცა იბადება გადამწიფებული ნაყოფი – ჩასახვიდან 40-41 კვირის შემდეგ.

პირველი ბავშვის მშობიარობისას დედის ოპტიმალურ ასაკად ითვლება 20-24 წელი, მეორესი – 25-29.