გამოკითხვა

გამოსაკითხ პირთაგან ინფორმაციის მიღების მეთოდი. გამოკითხვა გამოიყენება სოციოლოგიური, ფსიქოლოგიური, ეკონომიკური, დემოგრაფიული და სხვა კვლევებისას. გამოკითხვის მიზანია: ინფორმაციის მიღება ინდივიდუალური და საზოგადოებრივი აზრის და მოვლენების, აგრეთვე ობიექტური ფაქტების, შემთხვევების, პროცესების და სხვ. შესახებ.

გამოსაკითხ პირებს წერილობით ან ზეპირად ეძლევათ კითხვები, რომელთა ფორმულირება ერთნაირია ყველა გამოსაკითხისათვის, წინასწარ არის დადგენილი და გაერთიანებულია გამოკვლევის თემით.

გამოკითხვისას მკვლევარსა და გამოსაკითხ პირს შორის მყარდება უშუალო (ინტერვიუ) ან გაშუალებული (ანკეტირება) ურთიერთკავშირი.