გარემო სოციალური

ადამიანის გარემომცველი და მისი ფორმირების, არსებობისა და საქმიანობისათვის საჭირო საზოგადოებრივ, მატერიალურ და სულიერ პირობათა ერთობლიობა.

ფართო გაგებით (მაკროგარემო) სოციალური გარემო მოიცავს საზოგადოებრივ-ეკონომიკურ სისტემას მთლიანობაში – საწარმოო ძალებს, საზოგადოებრივ ურთიერთობათა და ინსტიტუტების ერთობლიობას, საზოგადოებრივ ცნობიერებას, მოცემული საზოგადოების კულტურას. სოციალური გარემო ვიწრო გაგებით (მიკროგარემო), როგორც მთლიანი სოციალური გარემოს ელემენტი შეიცავს უშუალოდ ადამიანის სოციალურ გარემოცვას – ოჯახს, შრომით, სასწავლო და სხვა კოლექტივებსა და ჯგუფებს.