ლექსიკონებიTop 10 Feedback Loginდემოგრაფიის მოკლე ენციკლოპედიური ლექსიკონი
ა ბ გ დ ე ზ თ ი კ ლ მ ნ ო პ რ ს ტ უ ფ ქ შ ჩ ც ძ წ ჭ ხ ჯ ჰ
და დე დი დრ დღ
დედ დევ დეზ დეი დემ დეპ
Suggest a term Report a bug Add to search Print version

დემოგრაფია ეთნიკური (ეთნოდემოგრაფია)

E. Ethnic demography (Ethnodemography)
Rus. Этническая демография
დემოგრაფიის დარგი ეთნოგრაფიისა და დემოგრაფიის მიჯნაზე. შეისწავლის ხალხების ან ეთნოსების აღწარმოების თავისებურებებსა და რაოდენობის დინამიკას.

ეთნიკური დემოგრაფია თავისი კვლევებისას ძირითადად იყენებს ეთნიკურ სტატისტიკას, მოსახლეობის აღწერის მასალებს, დემოგრაფიული და ეთნოგრაფიული სპეციალური გამოკვლევის შედეგებს და სხვა ისეთი მეცნიერებების მასალებსა და მონაცემებს, როგორიცაა სოციოლოგია, გეოგრაფია, ანთროპოლოგია, მედიცინა და სხვა.

ეთნიკური დემოგრაფია როგორც მეცნიერული დისციპლინა ჩამოყალიბებას იწყებს XX ს. დასაწყისიდან. ეთნიკური დემოგრაფიის ჩამოყალიბება განაპირობა იმ მდგომარეობამ, რომ დემოგრაფიული ქცევა დაკავშირებულია მოსახლეობის ზნე-ჩვეულებებთან და ადათ-წესებთან. ამასთან, ზოგიერთი დემოგრაფიული პროცესის არსის გაგება შეუძლებელია ეთნოგრაფიული მასალის გამოყენებისა და დემოგრაფიული მონაცემების გარკვეულ ეთნოსთან დაკავშირების გარეშე.

See also: დემოგრაფია
Source: დემოგრაფიის მოკლე ენციკლოპედიური ლექსიკონი /UNFRA გაერთიანებული ერების მოსახლეობის ფონდი; შემდგ.: გიორგი წულაძე; [სარედ. კოლ.: ა. სულაბერიძე (მთ. რედ.) [და სხვ.]. თბ., 2012 (შპს „ვესტა“)
to main page Top 10 • Feedback • Login top of page
© 2008 David A. Mchedlishvili XHTML | CSS Powered by Glossword 1.8.9