 |
 | |
დემოგრაფიული აფეთქება
E. Demographic explosion(1); Population bomb (2)
Rus. Демографический взрыв
Rus. Демографический взрыв
მოსახლეობის რაოდენობის სწრაფი ზრდა. მოკვდაობის შემცირება მნიშვნელოვნად მეტია, ვიდრე შობადობის კლება, რასაც მოჰყვება მოსახლეობის რაოდენობის დაჩქარებული მატება.
დემოგრაფიული აფეთქება დროებითი მოვლენაა. დემოგრაფიული გადასვლის განვითარებასთან ერთად, შობადობისა და მოკვდაობის ტიპებისა და რეჟიმების დარღვეული შეთანხმებულობა თანდათან აღდგება და დემოგრაფიული აფეთქება წყვეტს თავის არსებობას.
აღსანიშნავია, რომ დემოგრაფიული გადასვლის ტემპები გარკვეულად დამოკიდებულია სოციალურ-ეკონომიკურ განვითარებაზე და თუ ის შენელებულად მიმდინარეობს, მაშინ დემოგრაფიული აფეთქება დიდი ხნის მანძილზე შეიძლება იქნას შენარჩუნებული.
თავდაპირველად ტერმინი „დემოგრაფიული აფეთქება“ პუბლიცისტურ ლიტერატურაში გვხვდება 1950-იან წწ. დაწყებული მოსახლეობის რაოდენობის სწრაფი მატების პირობითი აღნიშვნისათვის. შემდგომში ის სამეცნიერო ლიტერატურაში მკვიდრდება და სადღეისოდ მიღებულია.
Source: დემოგრაფიის მოკლე ენციკლოპედიური ლექსიკონი /UNFRA გაერთიანებული ერების მოსახლეობის ფონდი; შემდგ.: გიორგი წულაძე; [სარედ. კოლ.: ა. სულაბერიძე (მთ. რედ.) [და სხვ.]. თბ., 2012 (შპს „ვესტა“)
 to main page | Top 10 • Feedback • Login |  top of page |
| © 2008 David A. Mchedlishvili | XHTML | CSS | Powered by Glossword 1.8.9 |