ინდექსი ბორისოვისა

წარმოადგენს შობადობის ზოგადი კოეფიციენტის შეფარდებას ბუნებრივი შობადობის ჰიპოთეზური მინიმუმთან; გამოისახება პროცენტებში. ბორისოვის ინდექსი უჩვენებს, თუ რა ზომით წარმოებს მოსახლეობაში ან მის ცალკეულ ჯგუფებში პოტენციურად შესაძლებელი შობადობის რეალიზაცია. ამასთან, როდესაც ბორისოვის ინდექსი 100%-ის ფარგლებშია (ან აღემატება 100%-ს) შეიძლება დავასკვნათ, რომ პრაქტიკულად ადგილი არა აქვს ბავშვთა შობის შიგაოჯახურ რეგულირებას. მაგ. XIX ს. ბოლოს ბორისოვის ინდექსი საქართველოში შეადგინა 68,2%, 1979 წ. – 41,2%, ხოლო 2002 წელს – 20,9%. ბორისოვის ინდექსი თავის სახელწოდებას იღებს დემოგრაფ ვ. ბორისოვისაგან, რომლის მიერაც იყო იგი შემოთავაზებული 1976 წელს.