ლიბერალ-ი

თავისუფლად მოაზროვნე, ლიბერალიზმის მომხრე. — ლიბერალიები (მრავლ.) — ძველ რომში: ბაკქის საპატივცემო დღესასწაული (ლიბერ-ი — ბაკქის ზედმეტი სახელი); ლიბერალიზმ-ი — თავისუფალი მოაზროვნეობა: ბურჟუაზიული საზოგადოებრივ-პოლიტიკური მსოფლმხედველობა, მიმართული ფეოდალური სახელმწიფოსა, ეკლესიისა და ბატონყმური დამოკიდებულების წინააღმდეგ — მოქალაქობრივი თანასწორობისა და რწმენის თავისუფლების დაცვის მიზნით; ამდენად, ლიბერალიზმი უპირისპირდება კონსერვატიზმს, მეორის მხრივ ლიბერალიზმი უპირისპირდება სოციალიზმს, რამდენადაც ლიბერალიზმი მომხრეა რეფორმებისა და პროგრესისა ბურჟუაზიული კანონიერებისა და კაპიტალისტური საზოგადოების ფარგლებში.