ტრაგედია ანუ ტრაღედია

ძველ საბერძნეთში — დრამატიული ნაწარმოების ერთგვარი სახე, რომელიც დაკავშირებული იყო გუნდის რიტუალურ (სარწმუნოებრივ) სიმღერასთან ბახუსის ან დიონისეს სადიდებლად. ამ რიტუალის შესრულების დროს ღმერთებს მსხვერპლად სწირავდენ თხას (tragos), საიდანაც წარმოსდგა სიტყვა ტ რ ა გ ე დ ი ა; თანამედროვე მნიშვნ.: ისეთი დრამატიული ნაწარმოები, რომელშიაც გამოხატულია ადამიანის თავგანწირული ბრძოლა სხვადასხვა დამაბრკოლებელ პირობასთან, როცა ეს ბრძოლა ამა თუ იმ გმირის სიკვდილით თავდება. ტრაგედიული ნაწარმოებთა უდიდესი ავტორები იყვნენ ძველად (საბერძნეთში) ესქილი, სოფოკლე და ევრიპიდი; ახალ საუკუნოებში — კორნელი, რასინი (საფრ.), შექსპირი (ინგ.) და სხ.