გენერალური

საერთო, ზოგადი, უფროსი, მთავარი და სხვ.; აქედან: გენერალური აგენტ-ი - დაწესებულებისა ან რაიმე წამოწყების საერთო აგენტი; გენერალური ბალანს-ი; გენერალური ბრძოლა - ისეთი ბრძოლა, რომელშიც მონაწილეობას იღებენ მებრძოლ მხარეთა ყველა ძალები და რომელიც სწყვეტს მთელი ომის ბედს; გენერალური პაუზა - მუსიკაში: მუსიკალურ ნაწარმოებში ყველა მონაწილეთა (ხმებისა და ინსტრუმენტების) სიჩუმე; გენერალური რეპეტიცია - სათეატრო პიესის შესრულების წინასწარი საბოლოო შემოწმება; საბოლოო რეპეტიცია; გენერალური რუკა - ამა თუ იმ ქვეყნის მთლიანი რუკა (ქარტა); გენერალური შტაბ-ი - სამხედრო უწყების ორგანო, რომელიც განაგებს სამხედრო მოქმედებათა მომზადებასა და დამუშავებას; გენერალური შტატები -

1. სახელმწიფოს წარმომადგენელთა კრება ძველად ჰოლანდიასა და საფრანგეთში;

2. სამი წოდების (სამღვდელოების, აზნაურთა და ბურჟუაზიის) წარმომადგენლობითი კრება რევოლუციის (1789) წინა საფრანგეთში (Etats generaux).