დემონსტრაცია

1) სასწავლო ან სამეცნიერო საქმეში: მეცნიერული ცდის ჩვენება მსმენელ-მაყურებელთათვის;

2) პოლიტიკური დემონსტრაცია: მოთხოვნილების, უკმაყოფილების ან პროტესტის საჯაროდ გამოცხადება სხვადასხვა საშუალებით (კრებებით, ქუჩებზე მასსურად სიარულით და სხვ.);

3) სამხედრო საქმეში: რომლისამე ქვეყნის სამუქარო მოქმედება სხვა ქვეყნის მიმართ (საზღვარზე ჯარების დაგროვება, ომისათვის მზადება და სხვ.); აგრეთვე ომის დროს: ჯარების ცრუ მოქმედება არა იმ ადგილას, სადაც ნამდვილად განზრახულია მთავარი მოქმედება; აქედან: დემონსტრაციული — დემონსტრაციის ხასიათის მქონე; სადემონსტრაციო — დემონსტრაციისათვის გამოსადეგი, მისთვის განკუთვნილი; დემონსტრირება — დემონსტრაციის მოხდენა.