Gk. ეკლეგო-საგან „ამოვარჩევ, ამოვკრებ“. სხვადასხვა წყაროდან (აზრთა, მოძღვრებათა ან დებულებათაგან) ამოკრება რაიმე მოძღვრების შესაქმნელად — საკუთარი დამოუკიდებელი სახელმძღვანელო შეხედულობის უქონლად; აქედან: ეკლექტიკ-ი — ამგვარად მოქმედი; ეკლექტიკური — ეკლექტიზმის ხასიათის მქონე, მაგ. ეკლექტიკური ფილოსოფია — ამგვარად შექმნილი ფილოსოფიური სისტემა (ამ სახელით ცნობილია განსაკუთრებით ფილოსოფია, რომელიც ცთილობდა გაერთიანებას არისტოტელის, პითაგორის და პლატონის მოძღვრებათა).
Source: „უცხო სიტყვათა ლექსიკონის“ მესამე გამოცემა - იოსებ იმედაშვილი, ავტ.; ს. ს. მ. უ.ს. პოლიგრაფტრესტის I-ლი სტამბა. პლეხან. პრ. # 91, 30/XI-26. შეკ. # 274. მთავარლიტი # 1183. დაიბეჭდა 5000; 1928 წ.
to main page 
top of page