აქვს გართხმული ჯგუფად განვითარებული ყავისფერი მრავალწლიანი ნაყოფსხეულები, რომელთა კიდე ნაცრისფერია. ჰიმენოფორი მილნაირია. თვითონ ნაყოფსხეული მომრგვალო ან თირკმელისებურია, თხელი. ბაზიდიოსპორები უფერულია, ცილინდრული. იწვევს მერქნის პერიფერიულ თეთრ სიდამპლეს, დამპალი მერქანი წლიურ რგოლებზე ფირფიტებად იყრება.
Source: აგრარული წარმოება და გარემოს დაცვა: (ტერმინთა განმარტებითი ლექსიკონი)/შემდგენლები: სოლომონ პავლიაშვილი, ავთანდილ კორახაშვილი, დავით კირვალიძე. თბილისი: ნათლისმცემელი, 2023.