L. (Albugo candida (Pers.) Kuntze) კომბოსტოს და ჯვაროსანთა ოჯახის თითქმის ყველა წარმომადგენლის (ბოლოკი, წიწმატი, თალგამი) მიწისზედა ორგანოებს აზიანებს. დაზიანების ადგილი ისე ჩანს, თითქოს მცენარეს კირის ხსნარი აქვს შესხურებული. ძლიერი დაავადების დროს ფოთლები იღუპება. დაავადების შემთხვევაში ყლორტები და ყვავილედები დეფორმირდება. ყვავილედების დაავადებისას, როგორც წესი, ნაყოფი არ ინასკვება და ნაადრევად ცვივა.
Source: აგრარული წარმოება და გარემოს დაცვა: (ტერმინთა განმარტებითი ლექსიკონი)/შემდგენლები: სოლომონ პავლიაშვილი, ავთანდილ კორახაშვილი, დავით კირვალიძე. თბილისი: ნათლისმცემელი, 2023.
to main page 
top of page